جلال اباد ښار د درېیمې امنیتي حوزې په اړوند سیمې سپینې ماڼۍ ته نږدې نن مازیګر نږدې ۴ نیمې بجې (دوشنبې د تلې په ۱۵مه) د ملي اردو د جلب او جذب کاسټر ډوله موټر تهڅېرمه په یوه زرنج ډوله موټر سایکل کې ځای پر ځای شویو چاودیدونکو توکو چاودنه کړې ده.
د ننګرهار والي وياند د دغې پېښې د پخلي ترڅنګ وايي چې له بده مرغه په دغې پېښه کې د یو ماشوم په ګډون لس مُلکي وګړي شهیدان شوي او ۲۷ نور ټپيان دي.
د پېښې ټپيان حوزوي روغتون ته لېږدول شوي چې د یو شمېر ټپیانو حالات هم نازک ښودل شوی دی.