له ولسمشرۍ ماڼۍ څخه په خپره وې خبرپاڼه کې (یکشنبې د زمري۱۴مه) راغلي دی چې ولسمشر غني تېر ماښام د محمدداوود خان روغتون کې په ګردېز ښار کې پر خواجه حسن جامع جومات د تروریستي برید د ټپیانو، پوښتنه وکړه.
د خبرپاڼې له مخې د ټپیانو د پوښتنې پر مهال د یاد روغتون مسوؤلینو د بستري ټپیانو د روغتیايي وضعیت او د درملنې د څرنګوالي په اړه جمهوررئیس ته معلومات ورکړل.
ولسمشرغني ټپیانو ته روغتیا هیلې څرګندولو سره ویلي دي:«ما د ګردېز له مشرانو او د شهیدانو له ورثې سره ټلیفونې خبرې کړي او د خواخوږۍ او غمشریکۍ ترڅنګ مې هغوی ته ډاډ ورکړ چې حکومت به ډېر ژر د خواجه حسن جومات د بیارغاونې په برخه کې اقدام وکړي.»
د جمعې پر ورځ(د زمري۱۲مه) د پکیتا ولایت په مرکز ګردیز ښار په خواجه حسن سیمه کې د صاحب الزمان پر جومات دوه ځانمرګو بریدګرو برید کړی چې په پایله کې یې دېرشو لمونځ کوونکو ژوند له لاسه ورکړی او کابو ۸۱ تنه نور ټپيان دي چې کورنیو چارو وزارت د ۲۰ ټپیانو حالت د اندېښنې وړ بللی وه.