د هند کرکټ غوره لیګ لوبو کې چې تېره شپه(یکشنبې د غويي۱۶مه) کنګز ایلون پنجاب د راجستان رویالز سره درلوده، په پایله کې پنجاب د ۶ ویکټو په توپير لوبه وګټله.
په دې لوبه کې د هېواد کرکټ ځوان لوبغاړی، مجیب ځدراڼ چې د کنګز ایلون پنجاب سره لوبه کوي، د توپوهنې په برخه کې د ښې لوبې لپاره غوره لوبغاړی وټاکل شو.
په دې لوبه کې لومړۍ لوبه د راجستان لوبډلې توپ وهنه پیل کړ ه او توانیدل چې په ۲۰ اورونو کې د ۹ لوبغاړو له لاسه ورکړې سره ۱۵۲ منډې جوړې کړې او د دې لوبډلې لوبغاړی، بتلر ښه لوبه وکړه چې ۵۱ منډې یې ترسره کړې.
خو پنجاب لوبډله کې مجیب د ښې ځلیدا سره وتوانید چې په ۴ اورونو کې د ۲۷ منډو په ورکړې ۳ لوبغاړي وسوځوي.
دې لوبډلې د څلورو لوبغاړو په سوځېدو سره وتوانېدل چې په ۱۹ اورونو کې ورکړل شوې موخه پوره کړي.
په دې برخه کې د راجستان رویالز لوبغاړی، راهول ښه وځلید چې ۸۴ منډې یې پرته له سوځېدو خپلې لوبډلې ته ترسره کړې.
اوسمهال حیدر آباد د هند غوره لیګ لوبو په نوملړ کې لومړی ځای، همداراز د سوپرکینګ چنای لوبډله د ۱۴ امتیازو او ۱۰ لوبو سره دوهم او نایټ رایدرس د ۱۰ امتیازو او ۹ لوبو سره درېیم ځای لري.