وروستي خبرونه
Thumbnail
نړۍ

روحاني له پاکستانه غواړي چې د ترهګرو په وړاندې جدي اقدام وکړي

د ایران ولسمشر، حسن روحاني شنبې(د کب په ۱۸مه نېټه) د پاکستان له لومړي وزیر، عمران خان سره د ټلېفوني اړیکې په ترڅ کې د ترهګرو پر وړاندې د مبارزې په برخه کې د پاکستان د پوره هڅو غوښتنه کړې ده.

نوموړي ویلي دي:«موږ نه غواړو چې د دواړو هېوادونو ترمنځ لسګونه کلونه دوستي او وروري د ترهګرو ډلو تر اغېز لاندې زیانمنه شي، چې موږ او تاسې پوهېږو دا چې دا ډلې به کوم ځایه وسلې ترلاسه کوي.»

روحاني څرګنده کړې چې دریم لوري ته باید د دې اجازه ورنکړل شي تر څو له اقداماتو د ایران او پاکستان د اړیکو په ترینګلتیا کې کار واخلي.

روحاني څرګنده کړې ده:«سره له دې چې موږ پوهېږو ترهګر د پاکستان له خاورې کار اخلي او ترهګریز بریدونه له هغه ځایه ترسره کوي، خو په تمه یوو چې پاکستان په خپله د ترهګرو پر وړاندې اقدام وکړي.»

روحاني تېره میاشت ایران کې پر پوله ساتو ځواکونو برید اغیزناکه بللی دی او زیاته کړې یې ده:«پوره چمتووالی لرو چې د پاکستان له پوځ سره د ترهګرو پر وړاندې چې شتون یې زموږ او ستاسو په ګټه نه دی اقدام وکړو. د پاکستان له خاورې د دې ترهګرو کارونه به د دواړو هېوادونو اړیکې خرابې کړي.»

د پاکستان لومړي وزیر، عمران خان ډاډ ورکړی چې دولت به یې د ترهګرو ځپلو په موخه خپلې پوره هڅې وکړي او اجازه به ورنکړي چې ترهګر د دوی له خاورې د ګاونډیو هېوادونو په ځانګړې توګه د ایران پر وړاندې بریدونه ترسره کړي.

عمران خان ویلي چې د ترهګرو ځالو ته ډېر نېږدې شوی دي او ډېر ژر به د ترهګرو پروړاندې د اقدام کولو په اړه د خوښۍ خبرونه خپاره شي.

ده ویلي:«دا د پاکستان په ګټه هم ده چې ترهګر زموږ له خاورې استفاده ونکړي، د پاکستان پوځ  چمتو دی چې د ایران د پوځ لخوا د ورکړل شویو مالوماتو له مخې د ترهګرو پر وړاندې پرېکړه اقدام وکړي.»

 دا په داسې حال کې ده چې مخکې له دې ایران د یو شمېر بریدونو په تړاو په سیمه کې اسراییل، سعودي عربستان او امریکا متحده ایالات تورن کړي دي، خو یادو هېوادونو بیا دا تورونه رد کړي دي.

نړۍ

روحاني له پاکستانه غواړي چې د ترهګرو په وړاندې جدي اقدام وکړي

د پاکستان لومړي وزیر، عمران خان ډاډ ورکړی چې دولت به یې د ترهګرو ځپلو په موخه خپلې پوره هڅې وکړي

Thumbnail

د ایران ولسمشر، حسن روحاني شنبې(د کب په ۱۸مه نېټه) د پاکستان له لومړي وزیر، عمران خان سره د ټلېفوني اړیکې په ترڅ کې د ترهګرو پر وړاندې د مبارزې په برخه کې د پاکستان د پوره هڅو غوښتنه کړې ده.

نوموړي ویلي دي:«موږ نه غواړو چې د دواړو هېوادونو ترمنځ لسګونه کلونه دوستي او وروري د ترهګرو ډلو تر اغېز لاندې زیانمنه شي، چې موږ او تاسې پوهېږو دا چې دا ډلې به کوم ځایه وسلې ترلاسه کوي.»

روحاني څرګنده کړې چې دریم لوري ته باید د دې اجازه ورنکړل شي تر څو له اقداماتو د ایران او پاکستان د اړیکو په ترینګلتیا کې کار واخلي.

روحاني څرګنده کړې ده:«سره له دې چې موږ پوهېږو ترهګر د پاکستان له خاورې کار اخلي او ترهګریز بریدونه له هغه ځایه ترسره کوي، خو په تمه یوو چې پاکستان په خپله د ترهګرو پر وړاندې اقدام وکړي.»

روحاني تېره میاشت ایران کې پر پوله ساتو ځواکونو برید اغیزناکه بللی دی او زیاته کړې یې ده:«پوره چمتووالی لرو چې د پاکستان له پوځ سره د ترهګرو پر وړاندې چې شتون یې زموږ او ستاسو په ګټه نه دی اقدام وکړو. د پاکستان له خاورې د دې ترهګرو کارونه به د دواړو هېوادونو اړیکې خرابې کړي.»

د پاکستان لومړي وزیر، عمران خان ډاډ ورکړی چې دولت به یې د ترهګرو ځپلو په موخه خپلې پوره هڅې وکړي او اجازه به ورنکړي چې ترهګر د دوی له خاورې د ګاونډیو هېوادونو په ځانګړې توګه د ایران پر وړاندې بریدونه ترسره کړي.

عمران خان ویلي چې د ترهګرو ځالو ته ډېر نېږدې شوی دي او ډېر ژر به د ترهګرو پروړاندې د اقدام کولو په اړه د خوښۍ خبرونه خپاره شي.

ده ویلي:«دا د پاکستان په ګټه هم ده چې ترهګر زموږ له خاورې استفاده ونکړي، د پاکستان پوځ  چمتو دی چې د ایران د پوځ لخوا د ورکړل شویو مالوماتو له مخې د ترهګرو پر وړاندې پرېکړه اقدام وکړي.»

 دا په داسې حال کې ده چې مخکې له دې ایران د یو شمېر بریدونو په تړاو په سیمه کې اسراییل، سعودي عربستان او امریکا متحده ایالات تورن کړي دي، خو یادو هېوادونو بیا دا تورونه رد کړي دي.

شریک یي کړئ