د ننګرهار ولایت سیمهييز چارواکي په دې ولایت کې ۲۰ داعش وسلهوالو له وژل کېدو خبر ورکوي.
د ۲۰۱ سېلاب قول اردو د خبرپاڼې په خپرولو سره ویلي دي چې یاد شمېر داعشیان په تېرو ۲۴ ساعتونو کې د افغان ځواکونو پوځي عملیاتو په ترڅ کې وژل شوي دي.
دا عملیات د ننګرهار ولایت اچین ولسوالۍ په مامنددرې کې ترسره شوي.
خبرپاڼه زیاتوي چې د عملیاتو په ترڅ کې د داعش ډلې یو شمېر وسلې او مهمات هم له منځه تلي دي.
د افغان ځواکونو او ملکي کسانو مرګژوبلې په اړه څه نه دي ویل شوي.