دی وايي چې افغان ځواکونه د ترهګرو د پټنځایونو د له منځه وړو لپاره د پاکستان خاورې ته نه شي داخلیدی ځکه دی وايي چې دا کار به سمې پایلې ونه لري.

پر پاکستان د ناټو تر وروستي برید وروسته د دې هیواد او امریکې تر منځ اړیکې ترینګلې شوې، اوس اوس د امریکې د څارګرې ادارې رییس ویلي دي چې د پاکستان خاورې ته د افغان پوځ داخلیدو دی اندیښمن کړی دی او دا کار په هغو سیمو کې شونی دی چیرې چې د وسله والو د شتون رپوټ ورکول کیږي.

ډیویډ پټریوس ویلي دي:« د دې لپاره چې د پاکستان خاورې ته د ننه کیدل د پوښتنې وړ دي چې دا په افغانستان پورې اړه لري خو زه فکر کوم چې دوی باید وکولای شي په خپله خاوره کې له ترهګرو سره وجنګیږي دا کار باید پرته له دې وي چې هیواد له ستونزو سره مخ کړي.»

ده د امریکې د سنا څارګرې کمیټې ته ویلي دي چې د هیواد له شمال څخه د توکو په راوړو کې له روسیې سره خبرې روانې دي.

پټریوس ویلي دي:« د دې لپاره چې پاکستان د ناټو پر مخ اکمالاتي لار تړلې، نو مهمه ده چې ناټو او امریکا باید د افغانستان شمال ته چې د دې لارې ځای ناستې به وي پاملرنه وکړي.»

پر مومند ایجنسۍ کې پر شوي برید کې په لومړي غبرګون کې پاکستان پر ناټو خپله اکمالاتي لار وتړله له دې سره سره چې واشنګټن یې د پرانیستل کیدو لپاره هڅې وکړې خو تر دوو میاشتو وروسته لا هم دا لار تړلې پاتې.د شمال له لارې د توکو د راوړو لپاره هڅې روانې دي خو له اجازې سره سره به په دې لاره ډير لګښت راشي.

په افغانستان کې د امریکې سفیر راین کراکر د شنبې په ورځ وویل چې د لیزبون له پریکړې سره سم به د وسله والو پر وړاندې تر ۲۰۱ کال پورې پوځي عملیات دوام ولري.

ده د شنبې په ورځ په یوه خبرپاڼه کې ویلي دي چې د امنیتي چارو لیږد او همدارنګه د ناټو لخوا د افغان پوځونو د کاري او جنګي وړتیا د ښه والي په برخه کې به هڅې روانې وي او تر دې وروسته به ټول عملیات د افغان پوځ په مشري کیږي او نړیوال ځواکونه به ورسره حمایوي رول ولري.

د امریکې سفیر راین کراکر په دې خبرپاڼه کې ویلي دي:« د امنیتي چارو لیږد په سم ډول روان دی، دا د لیزبون په ناسته کې د شویو ژمنو او ستراتیژي د تغیر په مانا نه دی، خو موږ په دې هڅه کې یو چې افغانستان یو ځل بیا افغانانو، امریکې او نړیوالو ته د القاعدې او نورو ترهګرو پر مرکز کوم چې موږ ګواښوي بدل نه شي.»

ده زیاته کړه:« موږ له په افغانستان کې د سولې را وستو ته کوم چې زموږ او د سیمې په ګټه دی ژمن یو.»

دا خبرې په داسې وخت کې کيږي چې د امریکې د دفاع وزیر لیون پنیتا د چهارشنبې په ورځ ویلي دي چې موږ هیله من یو ترڅو وکولای شو د ۲۰۱۳ کال په ترڅ کې خپل روان ماموریت پای ته ورسوي.

دا لومړی ځل دی چې د امریکې د دفاع وزیر په افغانستان کې د خپل رول د تغیر په اړه خبرې کوي او ټنیګار کوي چې دوی به خپل رول د افغان ځواکونو روزنې ته واړوي.

دا خبرې په داسې حال کې کیږي چې فرانسې هم ویلي دي چې دوی به په ۲۰۱۳ کال کې په افغانستان کې خپل ماموریت پای ته ورسوي.

دا پریکړه په ۲۰۱۰ کال کې په لیزبون کې د ناټو په ناسته کې وشوه او په افغانستان کې له شته بهرنیو ځواکونو غوښتنه وشوه چې دوی به په افغانستان کې خپل رول ته تغیر ورکوي او د افغان ځواکونو په روزنه به ټنګار کوي.

پنیتا ویلي دي چې د امنیتي چارو سپارل زموږ د وتو په مانا نه دي خو موږ غواړو چې د لیزبون د ناستې شوې پریکړې پلي شي.

د ناټو چارواکو د دوشنبې په ورځ وویل دوی هیله من دي چې امنیتي چارې تر ۲۰۱۴ کال پورې افغان ځواکونو ته وسپاري.

د ناټو عمومي سرمنشي اندرس فوګ راسموسن ویلي دي چې دوی به د ۲۰۱۳ کال په نیمايي کې د افغانستان د ټولو سیمو امنیتي چارې افغان ځواکونو ته وسپاري.

ښاغلي اندرس فوګ راسموسن وویل:« موږ په ۲۰۱۰ کال کې په لیزبون کې د شوې پریکړې سره سم په تدریجي ډول امنیتي چارې افغان ځواکونو ته سپارو او دا کار پیل شوی دی او موږ هیله من یو چې دا پروسه تر ۲۰۱۴ کال پورې بشپړه شي.»

د امریکې د دفاع وزیر لیون پنیتا وویل:« تر اوسه زموږ رول ډير قوي دی او دا په دې مانا نه دی چې موږ مبارزې ته نه یو تیار.»

د امریکې ولسمشر بارک اوباما به هم تصمیم ونیسي چې د دوی څومره سرتیري به په افغانستان کې وي.

په اوس حال کې په افغانستان کې نیژدې ۱۳۰ زره بهرني سرتیري شته دي. چې نیژدې ۹۰ زره یې امریکایان دي.

ادامه مطلب...