تیم ملی فوتسال کشور امروز (سه‌شنبه، ۲۱ حمل) در بازی دوستانه به مصاف تاجیکستان می‌رود.

مسوولان فدراسیون فتبال می‌گویند که ملی پوشان فوتسال در ادامه اردوی تمرینی‌ خود در تایلند، پس از چاشت امروز در بازی تدارکاتی مقابل تاجیکستان قرار خواهند گرفت.

بر بنیاد معلومات مسوولان فدراسیون فتبال، ملی پوشان فوتسال پیش از انجام مسابقات در جام ملت‌های آسیا، در بازی‌های تدارکاتی دیگر مقابل عربستان سعودی و چین نیز، رقابت می‌کنند.

تیم ملی فوتسال از چندی به این‌سو سرگرم اردوی تمرینی و انجام بازی‌های تدارکاتی، به منظور آمادگی کامل به پی‌کارهای جام ملت‌های آسیا در تایلند است.

ملی پوشان فوتسال الف در مسابقات جام ملت‌های آسیا در سال روان ۲۰۲۴ میلادی، برابر تیم‌های ایران، کویت و بحرین، در گروه رقابت می‌کنند.

فوتسال‌بازان کشور پیش از این تیم‌های میانمار، تایلند و تیم باشگاهی "چنبوری" تایلند را شکست داده بودند.