گروه‌های کاری شورای رهبری مصالحه، امروز (پنج‌شنبه، ۲۲حمل) نشستی را در کاخ سپیدار برگزار کردند. ریاست‌اجراییه می‌گوید که در این نشست، گروه‌های کاری شورای رهبری مصالحه دربارۀ مشخص ساختن هیئت گفت وگوکنندۀ حکومت با طالبان، هیئتی که قرار است به دوحه برود و نیز افزودن شمار دیگر از سیاست‌گران در ترکیب شورای رهبری مصالحه رأی‌زنی کردند.

وزارت دفاع ملی، اعلام کرده‌است که به‌منظور تأمین امنیت بهتر ولایت‌های شمال‌شرق کشور «قول اردوی ۲۰۱۷ پامیر» را ایجاد کرده‌است. با ایجاد این قول‌اردو، شمار قول‌اردوها در افغانستان به هشت رسید. قول‌اردوها در افغانستان معمولأ شش لو و تا ۲۴هزار نیرو تشکیل دارند.