نیمروز کې سوداګر وایي، چې ایرانی لوری د دوی باروړونکو لاریو ته د سوداګریزو توکو د لېږد اجازه نه ورکوي.
د دوی په خبره، که دا ستونزه هواره نشي، پراخ مالي زیانونه به وویني.
په نیمروز کې سوداګر، خالد عرب وویل: «ایران سره په پوله کې له ابریشم پله څخه هره ورځ له ۴۰۰ تر ۵۰۰ خالي موټر ایران ته ځي څو د افغانستان بار راولېږدوي خو اوس دغه بهیر بند دی.»
یو بل سوداګر، خداداد صدیقي هم وویل: « دویمه لاره چې د سیند لار ده، ژر تر ژره دې د مسوولینو له لوري د دغې لارې د کارونې لپاره ګامونه پورته شي، د سوداګرو شاوخوا ۸۰ سلنه ستونزې حل کیږي»
خو د نیمروز د سوداګرۍ او پانګونې خونه وایي، چې میلک مرز کې د دواړو خواوو له لوري د سکنرونو له نصبولو وروسته به دا ستونزه هواره شي.
د نیمروز د سوداګرۍ او پانګونې خونې مسوول، نجیب الله خاشرودي په دې اړه وویل: « لومړی ګام مو دا ده چې د پولې دې خوا او هغې خوا سکنرونه ولګول شي څو د باروړونکو موټر د منلو وړتیا زیاته شي.»
تر دې وړاندې هم نیمروز کې سوداګرو ویلي و چې ایراني لوري د پولې هغې غاړه کې افغان لارۍ درولې وې چې ورسره په لسګونه ټنه تازه مېوې او سبزي له منځه لاړې او سوداګرو ته هم پراخ زیانونه واوښتل.
په دې اړه مو اندونه