له نشه یي توکو سره د مبارزې وزیره، سلامت عظیمي په کابل کې د ګډې خبري ناستې په ترڅ کې وویل چې د نشه یې توکو پر ضد پورته شوي او پورته کېدونکي ګامونه بسنه نه کوي.
ښاغلې عظیمي زیاتوي چې د روږدو کسانو د درملنې لپاره ځانګړې بودیجې ته اړتیا ده.
دې وړاندې وویل:«ستونزه ډېره لویه ده او هغه کارونه چې ترسره شوي دي د دې ستونزو هوارۍ ته بسنه نه کوي او اړینه ده چې یو ټولییز او ګډ مسوؤلیت ترسره شي.»
په همد حال کې د کورنیو چارو وزارت د نشهیې توکو سره د مبارزې معینیت وايي په تېرو دوو اوونیو کې کابل کې څه باندې ۳۰۰ کسان د نشهیې توکو د پلور په تور نیول شوي دي.
د کورنیو چارو وزارت له نشهيي توکو سره مبارز معینیت د کشف او استخباراتو مسوؤل، میرزامحمد سیفي څرګندوي:«د تېرو ۱۰ میاشتو په اوږدو کابو ۶۳۰ ټنه نشهيي توکي د افغانستان په کچه زموږ لاسته لوېدلي دي او ۱۶۰ عمده قاچاقوړونکي نیول شوي دي.»
افغانستان کابو درې میلیونه په مخدره توکو روږدي کسان لري،او اوسمهال په ټول هیواد کې د دغو کسانو د درملنې لپاره یوسل او لس روغتیايي مرکزونه شته.
د عامې روغتیا وزارت نشهيي توکو ته د غوښتنې کموالي څانګې مسوؤل، عبدالمنان آزادمنش وايي:«هغه اوونۍ ټولوونه کېږي او هغه کسان چې ټولیږي په سړه هوا کې یې ژوند له ګواښ سره مخامخ وي.»
له نشهيي توکو سره د مبارزې وزارت غواړي په روان زیږدیز کال کې له ۴۵ تر ۵۰زرو روږدي کسان د درملنې تر پوښښ لاندې راولي، خو دا وزارت وايي چې د دې کار ترسره کول لګښت ته اړتیا لري.