د پروان ولایت ځايي چارواکي وايي چې د دغه ولایت د بګرام په ولسوالۍ کې د ولسي وګړو پر موټر د ناپېژانده وسلهوالو د ډزو په پایله کې د یوې کورنۍ درې تنه غړي وژل شوي دي.
د بګرام ولسوال عبدالشکور قدوسي وايي چې دغه پېښه د پنجشنبې په شپه د دغې ولسوالۍ «جام قدم » سیمه کې هغه وخت رامنځته شوه چې په موټرسایکل سپاره ناپېژانده وسله والو پر یوه موټر ډزې وکړې.
د قدوسي په وینا، په دغې پېښه کې درې د یوې مېرمې په ګډون درې مُلکیان چې د یوې کورنۍ غړي وو وژل شوي دي.
عبدالشکور قدوسي، د دغې پېښې انګېزه شخصي دښمني بولي او زیاتوي چې بریدګرو له سیمې تېښته کړې ده، خو پولیسو د دغې پېښې د رامنځته کېدو او د عاملینو د نیولو لپاره څېړنې پیل کړې دي.