دا پیښه د دې هیواد د پخواني ولسمشر حسن مبارک تر ګوښه کیدو وروسته ډیره خونړۍ وه.

په دې نیښته کې نیژدې زر تنه نور هغه مهال ټپیان شول چې یوې لوبډلې بلې ته درې د یو پر وړاندې ماتې ورکړه.

سیاسي ‌ډلو په دې برخه کې امنیتي ځواکونه ګرم بللي دي.

د ځوانانو د انقلاب یو غړي چې د ۳۰ کلونو دی په دې اړه وویل:«پوځي شورا غواړي داسې وښيي چې هیواد په ستونزو کې دی دوی ټول د حسنې مبارک خلک دي.»

بلخوا د پوځي شورا مشر حسین طنطانوي په دېپیښه خپله خواشیني څرګنده کړې او په هیواد کې یې درې ورځې ماتم اعلان کړی دی.

هغه وویل« زه د فوټبال په لوبه کې په شوې شخړه خواشینی یم او د قربانیانو کورنیو ته تسلیت وایم.»

مصر په داسې یو پړاو کې دی چې چارې به یې له دیکتاتوري حکومت څخه یو دموکراتیک نظام ته وسپارل شي.

چارواکي وايي دا پیښه نن په کرمه ایجنسۍ کې شوې او د پاکستان لس امنیتي چارواکي هم پکې وژل شوي دي.

بلخوا په کراچۍ کې قومي او سیاسي شخړو هم د نهو تنو ژوند واخیست.

پاکستاني چارواکي وايي د کرمې جګړه هغه وخت ونیښته چې درې سوه طالب جنګیالیو په کرمه کې د پولیسو پر یوې پوستې برید وکړ.

دی وايي چې وروسته د پاکستان او هوايي او ځمکني پوځ پر وسله والو ځوابي برید وکړ.

بلخوا په کراچۍ کې هم په قومي او سیاسي اخوډبونو کې نهه تنه وژل شوي دي.

ځايي اوسیدونکي له حکومت څخه غواړي چې د پلان شویو مرګونو په مخنیوي کې دې جدي اقدامات وکړي.

بلخوا امنیتي چارواکي وايي چې په کراچۍ کې یې پلټنې پیل کړي دي او دوی وايي چې په دې تړاو یې تر دې دمه ۳۶ تنه نیولي دي.