مقام‌های امنیتی ولایت ننگرهار امروز (چهارشنبه، ۱۸دلو) گفته‌اند که یک گروه ده‌نفری از طالبان مسلح در این ولایت، به روند صلح پیوسته‌اند.
مقام‌های ریاست امنیت ملی ننگرهار می‌گویند که درنتیجۀ تلاش‌های این نهاد، یک گروه ده‌نفری از طالبان مسلح به رهبری اسماعیل، مشهور به فواد به روند صلح پیوسته‌اند.
ریاست امنیت ملی ننگرهار گفته‌است که آنان با خود پنج کلاشینکوف، دوتفنگچه، یک موشک و مقداری از مهمات با خود آورده‌اند.
گفته می‌شود که این طالبان پیش‌از این در ولسوالی خوگیانی این ولایت، سرگرم فعالیت‌های ضد دولتی بودند.