د امریکې متحده ایالاتو ملي پوځ د کندز په هوايي برید کې د ۳۳ ولسي وګړو وژل کېدل منلي دي.
د امریکا د متحده ایالاتو د پوځ موندنې ښيي چې د کندز ښار په شاو خوا کې د نومبر په میاشت کې د افغان امنیتي ځواکونو د ملاتړ لپاره د امریکايي ځواکونو د هوايي بریدونو په ترڅ کې ۳۳ ولسي وګړو خپل ژوند له لاسه ورکړی او د هغوی ۲۷ تنه نور ژوبل شوي دي.
د امریکې متحده ایالاتو په یوې خبرپاڼه کې راغلي دي چې د کندز د بز کندهاري په سیمه کې د افغان او امریکايي ځواکونو د دغو عملیاتو موخه د طالبانو دوه لوړپوړي مشران وو،خو د طالبانو له خوا ولسي وګړو د انساني ډال په څېر استفاده،ولسي وګړو ته د درنې مرګ ژوبلې لامل شو.