هغه ولسي وګړي چې د مرکزي بغلان ولسوالۍ له پنځو کلیو څخه د جګړې له امله خپل کورونه پرېښي وو، نن( سېشنبې د زمري۱۰مه) بېرته خپلو کورونو ته راستانه شول او د ژوند عادي چارې یې له سره پیل کړې.
دغه ولسي وګړي له حکومت څخه غواړي چې امنیت یې د تل لپاره تأمین کړي. په دغه رپوټ کې د طلوع نیوز خبریالانو د یوې ۸ کلنې نجلۍ ژوند انځور کړی چې د جګړو په پایله کې فلج شوې ده.
درې ورځې کېږي چې د مرکزي بغلان په پنځو کلیو کې د تلاشۍ او چاڼ عملیات پیل شوي دي. هغه کلي چې له دوه کلونو د طالبانو په ولکه کې وو.
کبرا ۸ کلنه ده او کورنۍ یې د هغې د درملنې وس نهلري.د جګړې دوام خلک ستومانه او ناچاره کړي دي.
اوس په دغو کلیو کې د ژوند عادي چارې بېرته له سره پیل شوي دي او د دغه کلي بزګر محمد ابراهیم تراوسه هم د خپلې کورنۍ د راتلونکي په اړه اندېښمن دی.