د کډوالو لپاره د ناورې د حقوقي سلامشورې د پلاوي همغږې کوونکې د چهارشنبې په ورځ(د کب په ۱۸ مه)په کابل کې وویل چې په افغاني ټولنه کې حاکم دودونه د دې لامل شوي دي چې ۵۰ سلنه ښځې د خپل میراث د حق له اخیستو تېرېږي.
د کډوالو لپاره د ناورې د حقوقي سلامشورې د پلاوي همغږې کوونکې شبنم توانګر وویل:«داسې پېښې مو لرلې چې ښځې او نجونې حاضرې وي چې هوکړهوکړي،چې د خپل د میراث له حق څخه لږې پیسې او لړه برخه واخلي ترڅو د خپلو وروڼو،تره او یا هم د تره د زوی او هر کس د میراث اخیستو په طرف یې دی، د هغوی ملاتړ له لاسه ور نه کړي.»
۵۱ کلنه شهلا له ۶ کلونو راهیسې هڅه کوي ترڅو د خپل میراث حق چې له پلاره ورپاتې دی له وروڼو څخه واخلي.
د کابل اوسېدونکې شهلا وايي:«زما حق ډېر هم نه کېږي.نیمه بسوه ځمکه ده.کهچېرې ښه چلند یې را سره کړی وای،ښايي چې زه هم له خپلې برخې تېره شوې وای.۴۲ کاله یې زما د کور کرایه واخیسته او ما ته یې هم نهوه راکړې،خو ما ویل چې چې فرق نه کوي ورور مې دی او پښه یې هم معیوبه ده،پرېښته چې د هغوی لپاره یو څه وشي.»
خو دیني عالمان وايي نجونو او مېرمنو ته د میراث حق ورکول الهي حکم دی او په قران کریم کې هم په روښانه توګه بیان شوی دی.
د دین عالم سید عبدالهادي هدایت وویل:«د یوې مېرمنې ،د یوې خور او د پلار د لور په توګه،هغه څوک چې د هغوی مسلم حق دی،د قراني حکم پر بنسټ چې دغه حق په هره ممکنه توګه باید هغه واخلي او نرینه هم دغه مسلم حق هغوی ته ورکړي.»
دیني عالمان د قراني احکامو په اړه د خلکو بې خبري هغه لاملونه بولي چې یو شمېر نارینه، ښځو او نجونو ته د میراث د حق له ورکولو ډډه کوي.