د کانونو وزارت د چهارشنبې په ورځ وویل چې د چین سي ان پي سي شرکت غواړي تر راتلونکو پنځو کلونو پورې د آمو سیند د نفتو پر حوزه ۷۰۰ میلیونه ډالره پانګونه وکړي.
دا وزارت وايي چې دا شرکت به په ۲۰۱۲ کال کې په خپل کار پیل وکړي.
د دې حوزې د داوطلبي هڅې په ۲۰۰۵ کال کې پیل شوې او په ۲۰۰۹ کال کې داوطلبي ته وړاندې شو او یاد شرکت د نورو په پرتله د ډيرو امتیازونو په ورکړې سره د دې حوزې د نفتو ګټونکی شو.
د کانونو وزارت وايي چې دا شرکت به ۱۵ سلنه حق الامتیاز، ۲۰ سلنه عایدات او مالیات او ۷۰ سلنه ګټه افغان دولت ته ورکړي.
د کانونو وزیر وحیدالله شهراني وویل:« د را ویستو کار په ۲۰۱۲ کال کې پیل کیږي،د موبلایزیشن، برمه کاري، اکتشاف او د کمپ جوړونې کار به په ۳۰ ورځو کې قرارداد شي.»
دا حوزه د سرپل په ولایتونو کې موقعیت لري او تر فاریاب پورې غځيدلې.
د یادولو وړ ده چې دا حوزه په ۱۹۳۲ کال کې د سویډنیانو لخوا کشف شوه.
په دې اړه مو اندونه