د ۲۰۱۶ کال د برازیل د اولمپیک د سیالیو په دوام کې،د هېواد غوره ځغاستونکې کیمیا یوسفي د ښځو د ۱۰۰ مټره واټن په برخه کې نن د افغانستان په وخت ۷:۳۰ دقیقې د ترتان په کرښه ودرېږي.
دغه لوبغاړې له دې سره چې پوهېږي له داشان سیالیو څخه د مډال ترلاسه کول ډېر ستونزمن دي خو بیا هم له غوره چمتووالي څخه خبرې کوي.
اغلې یوسفي زیاته کړه:«زه په دغو سیالیو کې د خپل هېواد د ۳۰ مېلیونه نفوذ استازي کوم او هیله لرم چې په دغو سیالیو کې ښه وځلېږم.»
د دغو سیالیو په دوام کې سبا د هېواد بل غوره لوبغاړی وهاب ظاهري د سړیو په ۱۰۰ مټره واټن کې د خپلو سیالیو په وړاندې د لوبې ډګر ته ولاړ شي.
په برازیل کې د اولمپيک د ۳۱ دورې لوبو کې د افغانستان په استازيتوب دوه ځغاستونکي او یو جودو کار حضور لري.
په دې اړه مو اندونه