د کورنیو چارو وزارت نن(شنبې د غويي۲۳مه) د خبرپاڼې په خپرولو سره ویلي دي چې د هېواد په ۹ ولایتونو کې د افغان ځواکونو پوځي عملیاتو په ترڅ کې ۷۳ وسلهوال وژل شوي دي.
خبرپاڼه کې راغلي دي چې دا عملیاتو په هلمند، کندهار، کندز، بدخشان، ارزګان، بادغیس، بغلان، بلخ او سمنګان ولایتونو کې ترسره شوي دي.
د عملیاتو په ترڅ کې یو شمېر سیمې د وسلهوالو له شتون څخه هم پاکې شوې دي.
خبرپاڼې همداراز د بلخ ولایت د کلدارو ولسوالۍ لپاره د طالبانو لهخوا د نومول شوي ولسوال، انعامالله له وژل کېدو هم خبر ورکوي.
د افغان ځواکونو دې عملیاتو په ترڅ کې ۲۷ وسلهوال ټپيان دي او ۱۱ تنه نور نیول شوي دي.
خبرپاڼې د افغان ځواکونو او ملکي کسانو مرګژوبلې په اړه څه نه دي ویلي.