د سرپل ولایت ځايي چارواکو د سېشنبې په ورځ(د وري په ۲۹ مه)ویلي چې امنیتي ځواکونو د دغه ولایت په صیاد ولسوالۍ کې ترهګریز برید په شاوتمبوه.
د سرپل والي محمد ظاهر وحدت وايي چې د دوشنبې له غرمې وروسته په لسګونو ترهګرو له درې خواو د صیاد ولسوالۍ پر ترهګریز برید پيل کړ.
هغه زیاتوي چې دولتي ځواکونه توانېدلي چې په څو ساعته جګړې وروسته دغه برید یې په شاتمبولی دی.
ښاغلی وحدت زیاتوي چې په دغې نښته کې د طالبانو د یوه لوړپوړي قومندان قاري خبیر مشهور په معاذ په ګډون ۸ تنه ترهګر وژل شوي او درې تنه نور یې نیول شوي دي.
په دغو نښتو کې د ولسي پاڅون کوونکو ځواکونو څخه یو تن هم مړ او څلور تنه نور ټپيان شوي دي.