په کال کې د ځانمرګي برید د قربانیانو ډېری کورنۍ پر حکومت سخته نیوکه کوي او حکومت په ځانګړې توګه امنیتي بنسټونه د هېوادوالو د امنیت په ټینګښت کې په ناغېړۍ تورنوي.
د قربانیانو د کورنۍ یو تن غړی محمد حسین په دې اړه وايي:«ټول هغه کسان چې په دغه ځانمرګي برید کې وژل شوي بې وزله او ناداره کسان وو یو یې هم د وکیل یا د ولسمشر اولاد نه وه.»
د یوې قربانۍ پلار چې لور یې فرشتې ۲۱ کاله عمر درلود او د پوهنتون په وروستي کال کې وه او غوښتل یې د خپلو زده کړو د دوام لپاره له هېواده بهر ته ولاړه شي.
د هغه په وینا، فرشته په دغو مراسمو کې یوه له ویناوالو څخه وه.
د فرشتې خور معصومه وايي:«زه اوس څه وکړم؟»
دا اوم ځل دی چې داعشیان پر مذهبي مراسمو او غونډو برید کوي. د دغو بریدونو ډېری قربانیان لمونځ کوونکي وو چې په داشان مراسمو کې یې ګډون کړی وه.