در حالی‌که طالبان بیش از ۱۲۰ولسوالی را تصرف کرده‌اند، فرمانده قول‌اردوی عملیات‌های خاص می‌گوید که سرکوب طالبان در اولویت این نیروها قرار دارد.

هیبت‌الله علی‌زی، فرمانده قول‌اردوی عملیات‌های خاص می‌افزاید که نیروهای ویژه، کمربندهای محکمی را برای حفظ شهرهای بزرگ، شاهراه‌ها و بندرها ایجاد کرده‌اند.

در ادامۀ بسیج مردمی در برابر طالبان، امروز یک‌شنبه، ده‌ها از زنان در شهر فیروز کوه، مرکز ولایت غور، با برداشتن سلاح پشتیبانی شان را از نیروهای دولتی و نظام کنونی اعلام کردند.

این زنان می‌گویند که تجربۀ حاکمیت پنج‌سالۀ طالبان ثابت ساخت که این گروه حقوق زنان را زیر پا می‌کند به ارزش‌های حقوق‌بشری پایبند نیستند.